المواضيع الأخيرة | » اهلا زهرة ربيع العمر2018-01-13, 8:32 pm من طرف زهرة البنفسج» عند الفراق...........2016-09-27, 3:58 am من طرف كبير المصورين» كلمات ام كلثوم . انساك يا سلام ؟2015-02-14, 3:20 am من طرف زهرة البنفسج» قصيدة طيف الحبيبة للشاعر/حسن محمد2015-02-10, 4:30 am من طرف زهرة البنفسج» لا اله الا الله2015-02-07, 3:35 pm من طرف زهرة البنفسج» هنا نكة قدري2014-07-09, 6:00 am من طرف كبير المصورين» تقول ................. انسى2014-06-19, 3:35 am من طرف زهرة البنفسج» الي حماده المصري الحضور فورا 2014-06-18, 6:07 pm من طرف زهرة البنفسج» فـــــدى لــك يا بغــداد كل مديـنة 2014-06-18, 2:16 am من طرف حماده المصرى» اخر طلب وبعده ؟؟؟؟؟؟؟؟؟2014-06-04, 5:25 pm من طرف زهرة البنفسج» عيد ميلاد تيتا2014-03-05, 3:21 pm من طرف M1H9M8D7» كلمات أنا وانت ظلمنا الحب2014-02-16, 1:55 am من طرف راجية الفردوس» تألق كبير المصورين وسرد ما بداخلة اليوم2014-01-06, 2:27 am من طرف راجية الفردوس» فغرامى راااح ياطووووووول غرامى الية2014-01-06, 2:22 am من طرف راجية الفردوس» مريضة أنا بك !!2014-01-01, 6:05 am من طرف زهرة البنفسج |
المتواجدون الآن ؟ | ككل هناك 9 عُضو متصل حالياً :: 0 عضو مُسجل, 0 عُضو مُختفي و 9 زائر
لا أحد
أكبر عدد للأعضاء المتواجدين في هذا المنتدى في نفس الوقت كان 174 بتاريخ 2019-07-30, 12:19 am
|
مايو 2024 | الأحد | الإثنين | الثلاثاء | الأربعاء | الخميس | الجمعة | السبت |
---|
| | | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 16 | 17 | 18 | 19 | 20 | 21 | 22 | 23 | 24 | 25 | 26 | 27 | 28 | 29 | 30 | 31 | | اليومية |
|
| | الفقر عارف صحابه (مماكتبت) | |
| | كاتب الموضوع | رسالة |
---|
رجل من الصحراء
تاريخ التسجيل : 10/05/2012
بطاقة الشخصية السفيرة: (0/0)
| موضوع: الفقر عارف صحابه (مماكتبت) 2012-05-12, 2:18 am | |
|
اريد ان اناقشكم في موضوع هام قد انتشر من قديم الازل واصبح عادة بيننا بل ووثقنا فيه و في معتقداتنا كل الثقة واصبحت هذه المعتقدات اساسا في تعاملاتنا مع كل من حولنا بل وتطورت الى حد كبيير. فقد نلجأ احيانا الى قطع علاقاتنا بمن حولنا نظرا لايماننا بهذه المعتقدات الغريبة ألا وهي (التشاؤم) ونسميه بلغتنا العامية (الفال). وطبعا كالعادة مع كامل الاعتذار سوف نكسر حاجز اللغة العربية الفصحى الذي يعانى كثيرا من كسري له باستمرار ولكن كما نعلم فالنقد الساخر يحب (الرحرحة).
زمان كان جدي دايما يحكيلي على ايامهم لما كان مفيش كهرباء ولا عمدان نور ولا اراضي مرصوفة وكانوا يقعدوا يتدفوا حوالين النار الوالعة ويشربوا الشاي من البراد اللي شكله بقى لون النار اللي بتسخنه واللي كباية الشاي منه احلى كباية شاي تشربها في حياتك .
كان يقلي :زمان يابن بنتي كان فيه خير والناس كلها كانت بتحب بعض في الفرح كله يفرح ويجامل ويفتح بيته لضيوف غيره, وفي الحزن والهم كله يواسي ويحزن لحزن جاره ويراعي مشاعره لأبعد الحدود.
بصراحة جدي كان بيتكلم صح على الرغم من اني مشفتش الايام دي بس دايما عندي احساس ان الدنيا زمان كانت احسن بكتيير كانت ابسط من كده بكتيير . ده كفاية ان احنا كنا قليلين ومكنتش لسه ماسورة السكان ضربت والمحبس العمومي باظ وغرق مصر سكان.
ومن كتر احساسي ان الناس دي كانت احسن منينا بكتيير كنت دايما وانا بتكلم مع جدي احاول جاهدا اني انقد ايامهم وده طبعا بدافع الغيرة الشديدة وفي يوم واحنا بنتكلم عن زمان وناس زمان سالته سؤال
قلي ياجد: هو انتوا يعني مفيش حاجة على ايامكم وحشة خالص عمال تقول الناس والخير والحب وبصراحة حسستني ان احنا ملناش اي لازمة خالص, اكيد فيه حاجات وحشة يعني كفاياك غيظ فيا ياراجل ياعجوز ومش سايبك الا لما تقلي على حاجة دايما كانت بتضايقك على ايامكم اللي مش لاقينلها حل دي.
ابتسم ابتسامة عريضة وقريت في عنيه نظرة بتقلي ايه اللي خلاك تقلب في المواجع
بص يابن بنتي مشكلتنا اننا متمسكين بعاداتنا وتقاليدنا بشكل غير طبيعي من زمان وحتى من قبل ايامنا واحنا بنؤمن بالفال الوحش وللأسف حتى مع التقدم الرهيب اللي ظهر على ايامكم الا انه مفيش فايدة فينا بنتقدم بالزمن بس عقولنا لسه زي ماهي .
زمان لما كان يبقى فيه فرح وكلنا فرحانين وبنضحك ونهزر ومرة واحدة يدخل علينا واحد من ضمن المعازيم
ويسلم علينا ويقعد معانا وتحصل حاجة وحشة في الفرح بعد وصولة بشوية على طول نقول الراجل ده قدمه وحشة علينا اول ماجيه خرب الدنيا على الرغم من الراجل ده ملوش اي دخل لا من بعيد ولا من قريب باللي
حصل بس ده معتقدنا ماهو احنا قاعدين من الصبح كويسين اشمعنا يعني لما جيه الراجل ده ,لا لا ياعم ده ميتعزمش تاني في افراح ولاحد يختلط بيه غير سلام عليكم _عليكم السلام , اه مش ناقصة هي ياعم خلينا بعيد عنه. وفجاة الراجل يلاقي نفسه بعيد عن الناس وهو مش عارف عملهم ايه.
ولا الغراب ياسلام على الغراب يبقى الواحد معاه مصلحة عايز يقضيها وخلاص مستعد وتمام يجي الغراب
يقف على بلكونة البيت ويبدا يقول (واق واق) تلاقي التشاؤم سيطر علينا تماما وقرفنا, طيب مالك ياعم مكنت كويس........ اصلي ياعم شفت غراب النهارده وبصراحة فال وحش انا بفكر الغي المصلحة دي عشان شكلها كده كده مش مقضية.
قلتله ياجد: فكرتني بموضوع غريب بنتك (اللي هي امي يعني) احيانا تقلي ياولدي متطلعش النهارده المشوار ده, اقلها ليه ياامي تقلي اصلي عيني الشمال بترف ياولدي وانا مجرباها العين دي وربنا يستر فال وحش قوي خليك ياولدي قاعد جنبي... وطبعا بقعد عشان بس مزعلهاش لدرجة اني مبعرفش اعتذر للناس اللي كانت مستنياني لاني بصراحة مش لاقي عذر وكنت بتحجج بالتعب والارهاق.
ضحك وقالي: ههههههه ماهي طالعة لجدتك مش واخدين منها غير الفقر, التانية برده وهي قاعدة تخبز لو العيش باظ منها تقلك فال وحش العيش خفس يقطع الرزق من البيت ربنا يستر.
قلتله: تصدق ياجد واحنا في الشغل عينوا واحد جديد عندنا عشان يمسك البوفيه بدل اللي ساب الشغل وصادف بعد تعيينه انه في اربعة من الشركة اتصفوا لاسباب مالية وفي مرة كنت بحكي مع احد الموظفين وقاللي تصدق ياخي الواد ده قدمه فقر قلتله ليه قالي اول ماجيه مشى اربعة. ربنا يستر علينا وعلى باقي الشركة.[b]قالي: فاكر يوم ماكنا عند بيت سيد احمد اللي جوز بته قريب لما جابولنا الشاي وانت فضلت شوية مشربتهمش
راحت الولية قلبت وشها وقالتلك ليه ياولدي لازم تكمل كبايتك كده البت هتبور وانت مترضهالناش.
قلتله: ياجد انت جيت عالشاي ياراجل ده مرة مراتك(اللي هي جدتي) ماسك المقص وعمال افتح واقفل فيه ولقيتها زعقت فيا وقلتلي ياواد انت اجنيت ولا ايه ده فال وحش قوي ياولدي يجيب خناقات ومشاكل فالبيت.
ولا لما كنا نقعد مع صحابنا ونضحك كتيير ونهرج يقلك ربنا يستر طالما ضحكنا كتيير يبقى اكيد في حاجة وحشة هتحصل.ومش عارف ليه دايما يعني بعد الضحك الكتيير لازم يحصل حاجة وحشة.
ولو لقينا اي شبشب مقلوب يقلك اووه اعدل الشبب خلي ربنا يعدلها لحسن ده فال وحش.
سكت جدي شوية وبصلي وقال: يابن بنتي للاسف ان الزمان عمره ماغير افكارنا ولا عقولنا والجهل فينا من قديم الازل وعمرنا ماهنتغير واديني قدامك بحكيلك على حاجات من سنين وانت بتقلي على حاجات حصلت معاك وهي هي نفس المعتقدات بتاعة الثمانين سنة اللي فاتوا يااااااااااااه ياولدي بقى بعد كل التطور الرهيب اللي احنا فيه ده ولسه متخلفين.
طب امال امتى هنوعى للحقيقة ونعرف قيمة عقولنا؟؟؟!!!!
حبيت اختم موضوعي بسؤال جدي الاخير عشان هو فعلا اللي محيرني لحد امتى هنفضل كده متمسكين بعادات غلط ونربط الزواج بكباية الشاي وتيسير الحال بالشبشب المقلوب وانقطاع الكهرباء بواحد دخلته وحشه والمقص بالخناقات والعيش بالرزق والغراب والبومة بالنحس والعين الشمال لما ترف بالفقر والحوادث وغيره وغيره وغيره.
بصراحة مش عارف اقول اي كلام فعلا غير كلام جدي( احنا بنتقدم بالزمن بس عقولنا زي ماهي).
اشكركم وارجو ان تشاركوني الاراء والردود في هذا الموضوع[/b]
. | |
| | | مونامور
تاريخ التسجيل : 18/04/2012
| موضوع: رد: الفقر عارف صحابه (مماكتبت) 2012-05-12, 4:49 am | |
| تسلم ايدك اولا ثانيا بقي ليا رجاء انا عاوزه اعرف بقيت الحوار مستمتعه بالقراءه بس الي معكنن عليا الون بتاعالخط من فضلك خليك في الابيض ماللو الابيض | |
| | | رجل من الصحراء
تاريخ التسجيل : 10/05/2012
بطاقة الشخصية السفيرة: (0/0)
| موضوع: رد: الفقر عارف صحابه (مماكتبت) 2012-05-12, 5:58 pm | |
| شكرا اختي مونامور شرفتيني كثيرا بردك على الموضوع وفيه قصص كثيرة ليا انا وجدي تابعيها معايا ان شاء الله واتمنى ان استفيد وافيد ان شاء الله تحيتي وتقديري
| |
| | | زهرة البنفسج الادارة
تاريخ التسجيل : 22/10/2011
بطاقة الشخصية السفيرة: (0/0)
| موضوع: رد: الفقر عارف صحابه (مماكتبت) 2012-05-17, 11:14 pm | |
| شكرا لمواضيعك الجميله بانتظار جديد بشوق دائم زهرة البنفسج | |
| | | ليلى الأمازيغية
تاريخ التسجيل : 13/03/2012
| موضوع: رد: الفقر عارف صحابه (مماكتبت) 2012-05-18, 4:27 pm | |
| سلمت يالغالي على روعه طرحك نترقب المزيد من جديدك الرائع دمت ودام لنا روعه مواضيعك ليلى الأمازيغية
| |
| | | | الفقر عارف صحابه (مماكتبت) | |
|
مواضيع مماثلة | |
|
| صلاحيات هذا المنتدى: | لاتستطيع الرد على المواضيع في هذا المنتدى
| |
| |
| |