؛¤ّ,¸¸,ّ¤؛°`°؛¤ منتــديــــــــــــــــــات السفيــــــــــــــــــــــــــرة ¤؛°`°؛¤ّ,¸¸,ّ¤؛
أهلا وسهلا بك زائرنا الكريم،يشرفنا أن تقوم بالتسجيل معنا والانضمام لاسرتناإذا رغبت بالمشاركة في المنتدى، أما إذا رغبت بقراءة المواضيع والإطلاع فتفضل بزيارة القسم الذي ترغب أدناه.

؛¤ّ,¸¸,ّ¤؛°`°؛¤ منتــديــــــــــــــــــات السفيــــــــــــــــــــــــــرة ¤؛°`°؛¤ّ,¸¸,ّ¤؛

نلتقـــــــــــي لنرتقــــي
 
الرئيسيةالأعضاءالتسجيلدخول
نرحب بككل الاعضاء الذين انتموا الى اسرتنا السعيدة ونتمنى لهم اقامة سعيدة وفائدة متبادلة الإدارة
كل عام وانتم بخير
المواضيع الأخيرة
» اهلا زهرة ربيع العمر
2018-01-13, 8:32 pm من طرف زهرة البنفسج

» عند الفراق...........
2016-09-27, 3:58 am من طرف كبير المصورين

» كلمات ام كلثوم . انساك يا سلام ؟
2015-02-14, 3:20 am من طرف زهرة البنفسج

» قصيدة طيف الحبيبة للشاعر/حسن محمد
2015-02-10, 4:30 am من طرف زهرة البنفسج

»  لا اله الا الله
2015-02-07, 3:35 pm من طرف زهرة البنفسج

» هنا نكة قدري
2014-07-09, 6:00 am من طرف كبير المصورين

» تقول ................. انسى
2014-06-19, 3:35 am من طرف زهرة البنفسج

» الي حماده المصري الحضور فورا
2014-06-18, 6:07 pm من طرف زهرة البنفسج

» فـــــدى لــك يا بغــداد كل مديـنة
2014-06-18, 2:16 am من طرف حماده المصرى

» اخر طلب وبعده ؟؟؟؟؟؟؟؟؟
2014-06-04, 5:25 pm من طرف زهرة البنفسج

» عيد ميلاد تيتا
2014-03-05, 3:21 pm من طرف M1H9M8D7

»  كلمات أنا وانت ظلمنا الحب
2014-02-16, 1:55 am من طرف راجية الفردوس

» تألق كبير المصورين وسرد ما بداخلة اليوم
2014-01-06, 2:27 am من طرف راجية الفردوس

» فغرامى راااح ياطووووووول غرامى الية
2014-01-06, 2:22 am من طرف راجية الفردوس

»  مريضة أنا بك !!
2014-01-01, 6:05 am من طرف زهرة البنفسج

ازرار التصفُّح
 البوابة
 الرئيسية
 قائمة الاعضاء
 البيانات الشخصية
 س .و .ج
 بحـث
بحـث
 
 

نتائج البحث
 
Rechercher بحث متقدم
المواضيع الأكثر شعبية
أألى الحبيبه المريضه اتمنا لكى الشفاء
كلمات ام كلثوم . انساك يا سلام ؟
كلمات اغنية مياده حناوي انا بعشقك انا
كلمات اغانى ورده الجزائريه
كلمات اغنية أم كلثوم انت عمرى
كلمات اغنيه ربع حبــــــــــــــي حاتم العراقي وحازم جابر
كلمات اغنيه مشتاق لك موت - احمد الهرمي كلمات اغنيه مشتاق لك موت - احمد الهرمي
كلمات اغنية أم كلثوم أقبل الليل
دقي دقي يا ربابة
صباحكم ورد وفل وياسمين
سحابة الكلمات الدلالية
المتواجدون الآن ؟
ككل هناك 9 عُضو متصل حالياً :: 0 عضو مُسجل, 0 عُضو مُختفي و 9 زائر

لا أحد

أكبر عدد للأعضاء المتواجدين في هذا المنتدى في نفس الوقت كان 58 بتاريخ 2016-08-23, 4:50 am
يناير 2018
الأحدالإثنينالثلاثاءالأربعاءالخميسالجمعةالسبت
 123456
78910111213
14151617181920
21222324252627
28293031   
اليوميةاليومية

شاطر | 
 

 احمد مش زي الحج احمد (مماكتبت قديما)

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
رجل من الصحراء

avatar

ذكر
تاريخ التسجيل : 10/05/2012

بطاقة الشخصية
السفيرة:
0/0  (0/0)

مُساهمةموضوع: احمد مش زي الحج احمد (مماكتبت قديما)   2012-06-06, 2:53 am

أحمد مش زي الحاج أحمد





زمان لما كنت طالب لسه مخلص ثانوية عامة وكنت فرحان بقى
وجايب مجموع يدخلني كلية الهندسة .



وبقول لنفسي والله
وهتروق وتحلى معاك ياعم وهتدخل كلية قمة وتبقى مهندس وكل اللي رايح واللي جاي يقلك
يابشمهندس وياهندسة ووسع للمهندس وابوك بقى يمشي يتفشخر بيك قدام الناس (يتفشخر دي
من فعل فشخر ويقال الرجل ده متفشخر اي مملوء بالفخر).



المهم ماعلينا من قصة دخولي الكلية لان ده موضوع لوحده
مليان قصص مثيرة لو عايزينه ابقى اكتبه في موضوع لوحده . لكن انا النهارده هركز على
كلمة واحدة كنت بسمعها في الكلية ومنها
هبدأ موضوعي الكلمة دي اتقالتلي وانا بقرر ادخل قسم ايه في هندسة ومحتار قالولي
بكل سهولة ياعم انت مش كده كده في الاخر هتطلع مهندس مش فارقة( احمد زي الحاج
احمد).



والكلمة دي بقت منتشرة جدا ومتداولة على لسان كل الشعب المصري فتيجي تكلم واحد بتاخد رايه في حاجة انت عايزها
وانهي احسن يقلك ياراجل مش فارقة (احمد زي الحاج احمد ).



وانا من موقعي هذا خلف الكمبيوتر بتاعي اعلن احتجاجي
الرسمي على مساواة (احمد بالحاج احمد).
وده لاني مريت شخصيا بمواقف كتير اثبتتلي ان احمد مش زي الحاج احمد ابدا. وفضلت
اني اعرض عليكم بعض منها كالّاتي :






المشهد الاول : طالب




نظام الجامعة عندنا كان بيمنع اي سيارات(مش عليها ارقام
الجامعة او تصريح جامعي بالدخول) من الدخول من البوابة
الى داخل الجامعة للوصول للكلية المطلوبة
.



مع العلم بان
مباني الكليات بعيدة جدا عن البوابة ولازم مواصلة داخل الجامعة توصلك لمبنى الكلية
افضل من ان تاخدها مشي لمسافات طويلة.



وطبعا بديهي اي تاكسي ممنوع يدخل من البوابة الا لو كان
اللي فيه( احد اعضاء هيئة التدريس او موظف في الجامعة). اما غير كده فممنوع تماما.



وطبعا أي طالب راكب تاكسي وعايز يدخل بيه ممنوع منعا
باتا ويضطر انه ينزل من التاكسي وياخدها مشي
للمسافة اللي هتوصله مبنى كليته.



وفي مرة كان عليا امتحان وطلعت متاخر من البيت وخلاص اللجنة هتفوتني وطبعا لازم التاكسي يدخل من
البوابة عشان يوصلني كلية الهندسة لانها بعيدة جدا من البوابة ولو نزلت واخدتها
مشي هيفوت وقت مش قليل من الامتحان .



ووصل التاكسي للبوابة وراح الراجل بتاع الامن كالعادة
موقفه وبصلي قالي ايوه يااستاذ طالب؟؟ قلتله ايوه بس معلش التاكسي يوصلني عشان
عليا امتحان ضروري وهيفوتني وهو طبعا لالا يااستاذ ممنوع الطلبة تدخل بالتاكسي
مهما كان ياللا ياتاكسي لف وارجع وانت يااستاذ انزل خدها مشي واتحايلت عليه كتير ياعم الله يخليك
الامتحان وهو مفيش ابدا وده لاني طالب.



قلت مبدهاش واضطريت اني استخدم الحل اللي عمري ماكنت بحب
استخدمه ابدا بس للاسف امثال الناس دي بيخلوني مضطر استخدمه رحت مطلع الكارنيه
بتاع عضوية نادي اعضاء هيئة التدريس لان والدي استاذ في الجامعة فبيكون لينا
كارنيه مكتوب عليه نجل الاستاذ الدكتور فلان.



واول ماشافه قام قاللي انا اسف يابيه اتفضل.


الله؟!!! طيب ايه اللي اتغير مانا في الحالتين طالب وانا
نفس الشخص وفي نفس اللحظة. يبقى ازاي بقى (احمد زي الحاج احمد)؟؟؟؟؟؟!!!!!.








المشهد
الثاني: خناقة






كنت راكب اتوبيس ومروح البيت وكالعادة طبعا واقف وماسك
في ايد اللي جنبي اللي ماسك في ايد واحد تاني اللي ماسك في ماسورة الاتوبيس عشان
منقعش.



وفجاه لقيت خناقة قامت بين راكب والراجل اللي بيلم
الاجرة وهات يازعيق وشتايم وضرب وكله ده عشان كان بقيله 10 قروش والراجل قله مفيش
فكة قله
لا فيه التاني رد عليه قله يابني ادم مفيش ,قاموا مسكوا في بعض ازاي وازاي
تقلي يابني ادم وطبعا قلبت غم ودم وناس بتتلم وحصلت الخناقة الجامدة دي عشان ايه
10 قروش.



وخناقة تانية
برده في محل( ايس كريم ) واحد بيزعق للتاني وبصوت عالي ويقله اصلك انت مش
كويس وبتستعبط وطول عمرك هتفضل كده ياخي
احترم نفسك وخليك راجل وهات يازعيق بس المرة دي السبب مش هتصدقوه الراجل كان بيزعق
لزميله عشان جيه متاخر في الصلاة وملحقش الصف الاول معاهم .



ياااااااااه طيب
ماهي الاولى خناقة ودي برده خناقة بس فرق شاسع بين الخناقات



يبقى ازاي بقى (احمد زي الحاج احمد) ؟؟؟؟!!!!!!





المشهد الثالث:
السياحة ادب





كنت في احد البلاد السياحية المعروفة في مصر وكنت قاعد
في احد البازارات التي يملكها واحد من معارفي ولفت نظري وانا بتكلم معاه قطعة
اثرية على هيئة حشرة تشبه للخنفساء ومكتوب عليها بالفرعوني وجنبها ورق بردي مرسوم
عليه شوية حاجات فرعونية منظرها حلو ولما سالته على الثمن قاللي الخنفساء الصغيرة
بخمسة والبردي مش عارف بكام المهم يعني الحسبة متعديش ال15 او 20 جنيه مش فاكر.
وشوية دخلوا اتنين من السياح ولفت انتباهم
نفس القطعة الاثرية وورق البردي وكانو عايزين يشتروها طبعا الاخ صاحب البازار
متوصاش وبدا يشرح تاريخ الفراعنة كله, وان
القطعة دي من ايام الاله مش عارف مين والبردي ده معمول ازاي والناس عجبهم جدا وقرروا يشتروا قام
مطلع الاله الحاسبة قال يعني بيحسبلهم الثمن وقعد يضرب في ارقام في النهاية قالهم
السعر كان ب250 جنيه وعملهم تخفيض بقى ب200 بس( ياسلام اصيل والله يابني) طبعا السياح خدوها وفرحوا.



بس القضية مش في السياح القضية انها نفس القطعة الاثرية
وورقة البردي هي هي متغيرتش وفي نفس الوقت اتباعت مرة ب20 جنيه والمرة التانية
بقدرة قادر زودتلها صفر بقت ب200



ياسبحان الله وهي هي نفس القطعة ونفس البردي


يبقى ازاي بقى (
احمد زي الحاج احمد)؟؟؟!!!!.






المشهد الرابع:
خصخصونا ياعالم





من المعروف اني رجل من الصحراء وده لاني مهندس تعدين وشغلي كله في الصحراء
والجبال كان او تعيين ليا في وزارة البترول في هيئة الثروة المعدنية كنا بننزل
الصحراء ونعسكر فيها بالخيام بتاعتنا تخيلوا خيام وسط الصحراء من غير امان وسط
التعابين والعقارب والذئاب وغيره وغيره من مخاطر ده بالاضافة الى الحر والشمس
العمودية دائما والمياه اللي بالنسبة لينا كانت اهم من الذهب بالاضافة الى مخاطر الشغل نفسه اللي تعرضناله
من موت وصرع وكسور وجروح وغيره وعربية تعطل في وسط الصحراء ويتوه كل اللي فيها
بدون اي انقاذ وده لانها عربية حكومة وحكومة يعني مفيش فلوس يعني جيوبنا قاحلة زي
الصحراء بالضبط.



اما في شركات
التعدين القطاع الخاص فمهندس التعدين برده في خيام وسط الصحراء بس فيها كل ماتشتهي
الانفس فيها تكييف وتلفزيونات وكمبيوتر ونت واجهزة اتصال عالية الجودة والعربيات
اللي فيها على الزيرو والاسعافات مجهزة وكله في البريمو وده لانه مخصخص.



طيب ماهو انا في الحكومة مهندس تعدين وفي القطاع الخاص
برده مهندس تعدين



يبقى ازاي بقى ( احمد زي الحاج احمد) ؟؟؟؟ !!!!!.





المشهد الخامس:
المستشفى





بعد ماخلصت الكلية واتخرجت كان واجب عليا طبعا زي اي
مواطن مصري التقدم الى اقرب منطقة للتجنيد لمعرفة ميعاد التجنيد بتاعي وموقفي من
دخول الجيش وبالفعل اخدت بعضي ورحت وعرفت
الميعاد وكان مطلوب مني بعض الاوراق الرسمية اللازمة لاستكمال الإجراءات



وكان من ضمن الاوراق دي شهادة معتمدة من المستشفى العام
بتحليل لفصيلة الدم.



وتوجهت الى المستشفى العام لعمل الشهادة المطلوبة وطبعا
فوجئت بالمهازل اللي بتحصل جوه المستشفى العيانين مرميين في اوض لا تليق باي بني
ادم ، المعاملة وحشة جدا،



مفيش نظام مفيش مراعاة للمرضى ولا لراحتهم مفيش نظافة
ابدا وخناقات بين الموظفين والمرضى واهمال مابعده اهمال .



وطبعا انا محتاس وقلت اما اسال حد من اللي شغالين هيدلني
روحت لواحد وقلتله لو سمحت من فين تتعمل
فصيلة الدم والحمدلله الراجل حتى مكلفش خاطره ورد عليا قام سايبني وبصلي كده كانه
بيقلي ايه البلاوي اللي بتتحدف علينا دي
وراح اخد بعضه ومشي المهم وصلت في النهاية للاخ اللي بيعملها واداني حتة ورقة
صغيرة الكتابة مش باينة عليها اصلا وراح كاتبلي عليها الفصيلة وقالي كده خلاص اقله ياعم انت متاكد انها دي الشهادة
يقلي ايوه هو احنا اول مرة نعملها هي دي وخلاص.



الحقيقة اخدتها ومشيت بس برده مش واثق وبصراحة اي غلطة
في ورق الجيش بيودي في داهية رحت اخدت بعضي ورحت على احد البلاد السياحية المشهورة ورحت المستشفى العام بتاعها وسبحان
الله حسيت فعلا اني في مستشفى ايه النظافة والحلاوة دي وايه السهولة في الاجراءات
دي وايه الذوق والاحترام ده واخدت شهادة فيها كل التحليل بتاع الدم بتاعي وشكلها
محترم ومنسقة بالكمبيوتر ومعتمدة واخر احترام .



طيب ماهي الاولى كانت مستشفى عام وفيها دكاترة وممرضين
وعيانين وبنك دم وكل حاجة



والتانية برده مستشفى عام وفيها كل حاجة.


يبقى ازاي بقى (أحمد زي الحاج احمد) ؟؟؟؟!!!!!.





وغيره وغيره من مشاهد عشتها بالفعل بس انا اكتفيت
بالخمسة دول.



عشان اوصل فكرة مهمة جدا ان احنا منتهاونش في اي حاجة بنعملها ونفكر كويس جدا
ونحدد احنا عايزين ايه بالضبط ومنسبش
نفسنا للكسل والخمول ونبطل نفكر ونخطط



ونقول لبعض ياعم
سيبك اصل كله محصل بعضه ( احمد زي الحاج
احمد).



لا فعلا هتفرق معاك جدا وهتعرف ان (احمد عمره ماهيكون زي
الحاج احمد).






الرجوع الى أعلى الصفحة اذهب الى الأسفل
زهرة البنفسج
الادارة
الادارة
avatar

انثى
الدلو
تاريخ التسجيل : 22/10/2011

بطاقة الشخصية
السفيرة:
0/0  (0/0)

مُساهمةموضوع: رد: احمد مش زي الحج احمد (مماكتبت قديما)   2012-06-06, 2:59 am

ابداع في ابداع

لا يخفى بريق مواضيعك الراقيه علينا
ولا تحرمنا من طلتك اخي
بانتظار روائعك
شكرالك


الرجوع الى أعلى الصفحة اذهب الى الأسفل
كبير المصورين
نائب مدير المنتدى
نائب مدير المنتدى
avatar

ذكر
السمك
تاريخ التسجيل : 20/06/2011

بطاقة الشخصية
السفيرة:
0/0  (0/0)

مُساهمةموضوع: رد: احمد مش زي الحج احمد (مماكتبت قديما)   2012-06-07, 7:52 am


السلام عليكم ورحمة الله وبركاته

لا تؤاخذنى ياخى انا مصرى ذيك وبعرف ان الحاج احمد مش زى احمد

تعرف انت بتفكرنى بمخرج الله يسمحه

ظهر مصر بصورة سىء امام العالم
طبعا المخرج ده خالد يوسف

ضيع من مصر اكتر من 50 /المائه من حجم السياحه
طبعا الكلام ده قبل الثورة
بسبب افلامه الخبيثه

حين ميسره
وابرهيم الابيض
وكتير
المهم عوزين نظهر الجانب الكويس لبلدنا الحبيب
بص على المسلسلات التركى
تظهر اجمل وارقى الاماكن عندهم


عموما موضوع حلو
بس دى مصر

خليه فى العين

اخوك محمد خضير


الرجوع الى أعلى الصفحة اذهب الى الأسفل
مونامور

avatar

انثى
تاريخ التسجيل : 18/04/2012

مُساهمةموضوع: رد: احمد مش زي الحج احمد (مماكتبت قديما)   2012-06-07, 6:35 pm

فعلا احمد موش زي الحاج احمد تسلم ايدك
الرجوع الى أعلى الصفحة اذهب الى الأسفل
رجل من الصحراء

avatar

ذكر
تاريخ التسجيل : 10/05/2012

بطاقة الشخصية
السفيرة:
0/0  (0/0)

مُساهمةموضوع: رد: احمد مش زي الحج احمد (مماكتبت قديما)   2012-06-09, 12:31 am

اشكر كل من شرفني بالموضوع تحيتي وتقديري لكم جميعا
واخي محمد خضير انا احب مصر بلدي العزيزة كثيرا جدا واكثر مما تصور
ولنا حرية الراي والتعبير فلا تاخذ كل المفالات االنقدية على انها تشوية لصورة مصر

فمصر الغالية في قلوبنا دائما
الرجوع الى أعلى الصفحة اذهب الى الأسفل
حماده المصرى
نائبة المدير للمنتدى
نائبة المدير للمنتدى
avatar

ذكر
تاريخ التسجيل : 04/11/2011

مُساهمةموضوع: رد: احمد مش زي الحج احمد (مماكتبت قديما)   2012-06-09, 10:12 pm

اخى رجل من الصحراء
ديما منورنا يا ابن بلدى
اشكرك على الموضوع القيم
تقبل منى مرورى
اخوك حماده المصرى
الرجوع الى أعلى الصفحة اذهب الى الأسفل
 
احمد مش زي الحج احمد (مماكتبت قديما)
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
؛¤ّ,¸¸,ّ¤؛°`°؛¤ منتــديــــــــــــــــــات السفيــــــــــــــــــــــــــرة ¤؛°`°؛¤ّ,¸¸,ّ¤؛  :: قسم التسالي والمسابقات :: ♣♣♦ النقد الساخر ♣♦♣-
انتقل الى: